Հայաստանի ապահովագրողների բյուրոն ներկայացնում է 2013-2018 թվականների կտրվածքով բյուրոյի կողմից վճարված հատուցումների մասին վիճակագրական տվյալները, որոնք պայմանավորված են եղել ԱՊՊԱ պայմանագիր չունեցող տրանսպորտային միջոցների կողմից տուժողներին հասցված վնասների հատուցման հետ․
| Ցուցանիշը | Ժամանակահատվածը | |||||
| 2013 | 2014 | 2015 | 2016 | 2017 | 2018 | |
| 1. Ապահովագրված տրանսպորտային միջոցների քանակ | 407,423 | 464,061 | 457,879 | 468,171 | 497,838 | 508,297 |
| 2. ԱՊՊԱ համակարգում վճարված ապահովագրական հատուցումների գումար (հազար ՀՀ դրամ) | 10,583,659 | 10,019,989 | 8,761,878 | 9,063,028 | 11,916,682 | 13,921,286 |
| 3. ԱՊՊԱ համակարգում վճարված ապահովագրական հատուցումների քանակ | 54,455 | 51,143 | 41,202 | 46,422 | 60,588 | 67,401 |
| 4. ԱՊՊԱ Բյուրոյի կողմից վճարված հատուցումներ, որոնք պայմանավորված են ԱՊՊԱ պայմանագիր չունեցող տրանսպորտային միջոցների կողմից տուժողներին հասցված վնասների հատուցման հետ | ||||||
| 4.1 Քանակ | 266 | 316 | 417 | 419 | 512 | 1005 |
| 4.2 Ընդհանուր գումար (հազար ՀՀ դրամ) | 181,377 | 165,852 | 243,242 | 257,636 | 223,607 | 370,456 |
| 4.3 Քանակի տեսակարար կշիռն ԱՊՊԱ համակարգում վճարված ընդհանուր ապահովագրական հատուցումների քանակում | 0.49% | 0.62% | 1.01% | 0.90% | 0.85% | 1.49% |
| 4.4 Քանակի տեսակարար կշիռն ապահովագրված տրանսպորտային միջոցների ընդհանուր քանակում | 0.07% | 0.07% | 0.09% | 0.09% | 0.10% | 0.20% |
| 4.5 Գումարի տեսակարար կշիռն ԱՊՊԱ համակարգում վճարված ընդհանուր ապահովագրական հատուցումների գումարում | 1.71% | 1.66% | 2.78% | 2.84% | 1.88% | 2.66% |
Բյուրոն հարկ է համարում հիշեցնել ԱՊՊԱ պայմանագիր չունենալու և առանց գործող ԱՊՊԱ պայմանագրի ավտոտրանսպորտային միջոցը վարելու հետևանքները.
Տուգանքներ․
· ՀՀ տարածքում հաշվառված յուրաքանչյուր տրանսպորտային միջոցի համար կնքված ԱՊՊԱ գործող պայմանագիր չունենալը, որը տևել է ավելի քան տասն օր`առաջացնում է տուգանքի նշանակում յուրաքանչյուր տասն օրվա համար` 5.000 ՀՀ դրամ, տարեկան` ոչ ավել, քան 100.000 ՀՀ դրամ ,
· Առանց տվյալ տրանսպորտային միջոցի համար գործող ԱՊՊԱ պայմանագիր ունենալու` ՀՀ տարածքում ընդհանուր օգտագործման ավտոմոբիլային ճանապարհներով տրանսպորտային միջոցը վարելն առաջացնում է տուգանքի նշանակում՝ 100.000 ՀՀ դրամ: Բյուրոյի կողմից տուժողներին հատուցումների վճարում և հետադարձ իրավունքի պահանջի գործընթացի իրականացում.
Բյուրոն հատուցում է ԱՊՊԱ պայմանագիր չունեցող տրանսպորտային միջոցների վարորդների մեղավորությամբ տուժողներին պատճառված վնասները, որից հետո վճարված հատուցման գումարի, դրա նկատմամբ ՀՀ քաղաքացիական օրենսգրքով սահմանված տոկոսների, հատուցումների կարգավորման հետ կապված ծախսերի և հետադարձ իրավունքի պահանջի իրականացման հետ կապված ուղեկցող բոլոր ծախսերի (ներառյալ դատական ծախսերի) հանրագումարի չափով հետադարձ պահանջ է ներկայացնում ավտոտրանսպորտային միջոցի վարորդին և սեփականատիրոջը:
Հայաստանի Ավտոապահովագրողների Բյուրոն հորդորում է բոլոր ավտոսեփականատերերին և վարորդներին ժամանակին կնքել ևվերակնքել ԱՊՊԱ պայմանագրերը, քանի որ ԱՊՊԱ պայմանագիր չկնքելու բացասական հետևանքներն անհամաչափ մեծ են։
