Ազգային ժողովում այսօր՝ հունվարի 14-ին, քննարկման է դրվել ԱԺ մշտական հանձնաժողովների ձևավորման և դրանց նախագահների ընտրության հարցը:

ԱԺ նախագահ Արարատ Միրզոյանի խոսքով, հանձնաժողովները խմբակցությունների միջև բաշխվելու են Դոնթի բանաձևով: Այսինքն, հաշվի է առնվելու քաղաքական ուժերի ստացած մանդատների թիվը: Նա նաև նշեց, որ քաղաքական 3 ուժերն արդեն համաձայնության են եկել, թե որ հանձնաժողովի որ ուժը կառաջադրի նախագահի թեկնածու:

Այսպիսով, Ազգային ժողովի 11 մշտական հանձնաժողովներից նախագահելու են.

• 8-ը՝ «Իմ քայլը» խմբակցությունը,
• 2-ը՝ «Բարգավաճ Հայաստան» խմբակցությունը,
• 1-ը՝ «Լուսավոր Հայաստան» խմբակցությունը:

«Իմ քայլը» խմբակցության ղեկավար Լիլիթ Մակունցը ներկայացրեց հանձնաժողովի թեկնածուներին՝

• Առողջապահության և սոցիալական հարցերի մշտական հանձնաժողովի նախագահի թեկնածու՝ Նարեկ Զեյնալյան,
• Արտաքին հարաբերությունների մշտական հանձնաժողովի նախագահի թեկնածու՝ Ռուբեն Ռուբինյան,
• Կրթության,  գիտության, մշակույթի, սպորտի հանձնաժողովի նախագահի թեկնածու՝ Մխիթար Հայրապետյան,
• Եվրոպական ինտեգրման հարցերի մշտական հանձնաժողովի նախագահի թեկնածու՝ Արման Եղոյան,
• Պետաիրավական հարցերի հանձնաժողովի նախագահի թեկնածու՝ Վլադիմիր Վարդանյան,
• Պաշտպանության, ներքին գործերի և ԱԱ հանձնաժողովի նախագահի թեկնածու՝ Անդրանիկ Քոչարյան,
• Գյուղատնտեսության և բնապահպանության հանձնաժողովի նախագահի թեկնածու՝ Վարազդատ Կարապետյան,
• Տնտեսական հարցերի հանձնաժողովի նախագահի թեկնածու՝ Բաբկեն Թունյան:

«Բարգավաճ Հայաստան» կուսակցությունն առաջադրեց՝

• Մարդու իրավունքների պաշտպանության և հանրային հարցերի մշատական հանձնաժողովի նախագահի թեկնածու՝ Նաիրա Զոհրաբյան,
• Տարածաշրջանային և Եվրասիական ինտեգրման հանձնաժողովի նախագահի թեկնածու՝ Միքայել Մելքումյան:

«Լուսավոր Հայաստան» կուսակցությունն առաջադրեց՝

• Ֆինանսաբյուջետային հանձնաժողովի նախագահի թեկնածու՝ Մանե Թանդիլյան: