Հոկտեմբերի 10-ին Երևանի քաղաքապետարանը պայմանագիր է կնքել «Արիես Քեյթրինգ Սերվիս» սահմանափակ պատասխանատվությամբ ընկերության հետ։
Ընկերությունը ստանձնել է հյուրասիրության ծառայությունների ձեռքբերման պարտավորությունը՝ հոկտեմբերի 13-ին։
Նշենք, որ նույն օրը տեղի ունեցավ Երևանի նորընտիր քաղաքապետ Հայկ Մարությանի երդմնակալության արարողությունը։
Պայմանագրի համաձայն՝ պաշտոնական հյուրասիրությունը նախատեսված է եղել մինչև 200 անձի համար։
Տեխնիկական բնութագրում նշվում է, որ ընկերությունը պետք է ապահովի․
- նախուտեստներ, աղցաններ, 3 տաք կերակրատեսակ, հաց, լավաշ, աղանդեր, զովացուցիչ ըմպելիք, բնական հյութեր, ալկոհոլային ըմպելիք
- պատվիրված ճաշատեսակների պատրաստում և մատուցում,
- սրահի համապատասխան ձևավորում,
- համապատասխան սպասքի առաքում,
- սրահի համապատասխան լուսավորում և օդափոխում,
- ճաշկերույթի մասնակիցների պատշաճ սպասարկում։
Գնումն արժեցել է 900 հազար դրամ։
Ալիսա Չիլինգարյան
