Ռուսաստանի Վորոնեժի մարզում երկու ուղևորատար ավտոբուսի բախման հետևանքով 5 մարդ է զոհվել: Այս մասին հաղորդում է «ՌԻԱ Նովոստի»-ն:
Վթարի հետևանքով տուժել է 20 մարդ, որոնցից 6-ը գտնվում են ծանր վիճակում, 8-ի վիճակը գնահատվում է միջին ծանրության:
Մարդկանց տարհանման համար Մի-8 ուղղաթիռ է օգտագործվել:
Բացի այդ, դեպքի վայրում են գտնվում նաև հոգեբաններ՝ տուժածներին օգնություն ցուցաբերելու համար:
