Երևանի ընդհանուր իրավասության դատարանը, դատավոր Մնացական Մարտիրոսյանի նախագահությամբ, արդարացրել է իրավապաշտպան Մարինա Պողոսյանին:
«Ես սպասում էի, որ ընդհանրապես այդ գործը դատարան չի ուղարկվի, քանի որ ի սկզբանե հանցակազմ չկար Մարինա Պողոսյանի գործողություններում: Կային սովորական քաղաքացիաիրավական հարաբերություններ, որոնք արհեստականորեն դարձվել էին քրեական գործ»,- մեզ հետ զրույցում նշեց նրա պաշտպան Լիպարիտ Սիմոնյանը:
ՀԻշեցնենք, որ Մարինա Պողոսյանին մեղադրանք էր առաջադրվել քրեական օրենսգրքի 179-րդ հոդվածի 3-րդ մասի առաջին կետով, այն է՝ առանձնապես խոշոր չափերով հանցավորին վստահված գույքի յուրացումը կամ վատնումը:
