Մայիսի 27-ին, ժամը 12:16-ին «911» ծառայությանն ահազանգ է ստացվել, որ Երևան քաղաքի Քաջազնունու փողոցի թիվ 11 շենքի 2-րդ հարկի բնակարաններից մեկից, որի բնակիչը բացակայում է, ջրալցվում է 1-ին հարկում գտնվող անձնագրային բաժանմունք. անհրաժեշտ է փրկարարների օգնությունը:
ԱԻՆ լրատվական ծառայության փոխանցմամբ, դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է, որ վնասվել է բնակարաններից մեկի (սեփականատիրոջ տվյալները չի հաջողվել պարզել) սանհանգույցի լվացարանի ռետինե խողովակը:
Փրկարարները մուտք են գործել բնակարան և փակել ջրի փականը։
