ՀՀ սպորտի և երիտասարդության հարցերի նախարար Հրաչյա Ռոստոմյանը կառավարության հավանությանն է նորկայացրել պարտադիր զինվորական ծառայության զորակոչից մինչև 2020 թվականի ձմեռային զորակոչը տարկետում տալու մասին նախագիծ:
Նախատեսվում է տարկետում տալ՝
- Մարտին Արմենակի Գևորկյանին (ծնված` 1995 թվականի հունվարի 23-ին, հաշվառման հասցեն՝ ք. Երևան, Խանջյան 27),
- Սերոբ Դավիթի Գրիգորյանին (ծնված` 1995 թվականի փետրվարի 4-ին, հաշվառման հասցեն՝ ք. Երևան, Խանջյան 27),
- Արտյոմ Վրույրի Սիմոնյանին (ծնված` 1995 թվականի փետրվարի 20-ին, հաշվառման հասցեն՝ ք. Երևան, Խանջյան 27),
- Դավիթ Մհերի Մարտիրոսյանին (ծնված` 1997 թվականի ապրիլի 2-ին, հաշվառման հասցեն՝ ք. Երևան, Խանջյան 27),
- Միխաիլ Լևոնի Մարտիրոսյանին (ծնված` 1997 թվականի ապրիլի 4-ին, հաշվառման հասցեն՝ ք. Երևան, Խանջյան 27),
- Իվան Ռոմանի Մամախանովին (ծնված` 1996 թվականի փետրվարի 26-ին, հաշվառման հասցեն՝ ք. Երևան, Խանջյան 27)։
«Մի շարք քաղաքացիների պարտադիր զինվորական ծառայության զորակոչից տարկետում տալու մասին» Հայաստանի Հանրապետության կառավարության որոշման նախագծի ընդունումը պայմանավորված է այն հանգամանքով, որ անհրաժեշտություն է առաջացել երկարաձգելու ֆուտբոլի Հայաստանի Հանրապետության ազգային հավաքականի կազմում հանդես եկող հետևյալ ֆուտբոլիստների պարտադիր զինվորական ծառայության զորակոչից տարկետման ժամկետը։
Վարդան Գրիգորի Պողոսյանին տարկետում է տրվել Հայաստանի Հանրապետության կառավարության 2014 թվականի նոյեմբերի 19-ի № 1295-Ա որոշմամբ` մինչև 2017 թվականի ձմեռային զորակոչը, և անհրաժեշտություն է առաջացել երկարաձգելու Վարդան Գրիգորի Պողոսյանի տարկետման ժամկետը մինչև 2018 թվականի ձմեռային զորակոչը։
Մարտին Արմենակի Գևորկյանին, Սերոբ Դավիթի Գրիգորյանին, Արտյոմ Վրույրի Սիմոնյանին տարկետում է տրվել Հայաստանի Հանրապետության կառավարության 2015 թվականի նոյեմբերի 26-ի № 1372-Ա որոշմամբ` մինչև 2017 թվականի ձմեռային զորակոչը, և անհրաժեշտություն է առաջացել երկարաձգելու տարկետման ժամկետը մինչև 2020 թվականի ձմեռային զորակոչը։
Դավիթ Մհերի Մարտիրոսյանին, Միխաիլ Լևոնի Մարտիրոսյանին, Իվան Ռոմանի Մամախանովին տարկետում է տրվել Հայաստանի Հանրապետության կառավարության 2015 թվականի օգոստոսի 31-ի № 988-Ա որոշմամբ` մինչև 2015 թվականի ամառային զորակոչը, և անհրաժեշտություն է առաջացել երկարաձգելու նրանց տարկետման ժամկետը մինչև 2020 թվականի ձմեռային զորակոչը:
Վարդան Գրիգորի Պողոսյանը, Մարտին Արմենակի Գևորկյանը, Սերոբ Դավիթի Գրիգորյանը, Արտյոմ Վրույրի Սիմոնյանը, Դավիթ Մհերի Մարտիրոսյանը, Միխաիլ Լևոնի Մարտիրոսյանը, Իվան Ռոմանի Մամախանովը հաշվառված են Կենտրոնի տարածքային զինվորական կոմիսարիատում:
