Ուկրաինական Նիկոլայևի բնակիչը մեղադրում է դաստիարակչուհուն՝ երեխային ծեծի ենթարկելու մեջ: Այս մասին հայտնում է ТСН-ը:
Նշվում է, որ ծնողը՝ Անաստասիա Կրիցկայան օրվա երկրորդ կեսին մտել է մանկապարտեզ , որպեսզի հանձնի թանտրոն գնալու գումարը: Մտնելով սենյակ կինը տեսել է, թե ինչպես է մանկապարտեզի աշխատողը աղջիկներից մեկին գցում գետնին և ոտքերով հարվածում:
«Երեխան գոռաց, ես էլ գոռացի: Դաստիարակչուհին շոկի մեջ էր և նա ասաց՝ կներեք, սա առաջին անգամն էր, այսպիսի բան այլևս չի լինի»,-պատմում է կինը:
Այնուամենայնիվ, դաստիարակչուհին ազատվել է աշխատանքից՝ սեփական դիմումի համաձայն: Ոստիկանությունում նշում են, որ մարմնական թեթև վնասվածքներ հասցնելու համար նրան որպես պատիժ սպառնում է տուգանք և հանրային աշխատանք:
