Ազգային ժողովի փոխնախագահների պաշտոնի համար 3 թեկնածուներն ընտրվեցին: Քվեարկությանը 105 պատգամավորներից մասնակցել են 100-ը:
Քվեարկության արդյունքում Էդուարդ Շարմազանովի թեկնածության համար 105 պատգամավորներից մասնակցել են 100 պատգամավորներ, քվեաթերթիկներից 3-ն անվավեր է համարվել: Նրան կողմ են քվեարկել՝ 84, և դեմ՝ 13 պատգամավորներ: Նշենք, որ այս պաշտոնում նա արդեն 3-րդ անգամ է:
Քվեարկության արդյունքում Արփինե Հովհաննիսյանի թեկնածության համար 105 պատգամավորներից մասնակցել են 100 պատգամավորներ, քվեաթերթիկներից 5-ն անվավեր է համարվել: Նրան կողմ են քվեարկել՝ 73, և դեմ՝ 22 պատգամավորներ:
Քվեարկության արդյունքում Միքայել Մելքումյանի թեկնածության համար 105 պատգամավորներից մասնակցել են 100 պատգամավորներ, քվեաթերթիկներից 6-ն անվավեր է համարվել: Նրան կողմ են քվեարկել՝ 65, և դեմ՝ 29 պատգամավորներ:
Այսպիսով ՀՀ ԱԺ նախագահի տեղակալների պաշտոնում երեքն էլ ընտրվել են:
