Ինչպես հայտնի է, երեկ վաղ առավոտյան «Սասնա ծռեր» գումարտակը գրավել է ոստիկանության Էրեբունու ՊՊԾ գունդը և պատանդ վերցրել ոստիկանների: Ներկայիս դրությամբ կա մեկ զոհ և վիրավորներ: Արդեն մեկ օր անցել է դեպքից և իրավիճակը շարունակում է նույնը մնալ:
ՀՀ առաջին օմբուդսմեն Լարիսա Ալավերդյանը Իրավաբան.net-ի հետ զրույցում ներկայացրեց իրավիճակի նախընտրելի ելքի վերաբերյալ իր դիրքորոշումը.
«Նախընտրելի տարբերակը նա կլինի, որ ներսում գտնվող զինված խմբի անդամները հասկանան, պետք է որոշում կայացնեն, որ սրանից հետո այլ զոհեր, այլ բռնություններ չլինեն: Դա իրենց որոշելիքն է, իշխանությունները մինչ այս պահը զինված են համաբերությամբ, տեղի են ունենում բանակցություններ: Պետք է հուսանք և պահանջենք իշխանություններից, որ բոլոր միջոցները օգտագործվեն ուժային մեթոդներ չկիրառելու համար: Մանավանդ, որքան մենք ենք հասկանում, ներսում զինված խմբի անդամները ևս չեն նախաձեռնում բռնության քայլ»:
