Պաշտպանության նախարարի մամուլի քարտուղար Արծրուն Հովհաննիսյանն, այսօր ԵՊՀ-ում հանդիպելով ուսանողներին, պատասխանել է այն հարցին, թե ինչու են առաջնագիծ ուղարկել օգտագործած անվադողեր:
Ըստ նրա` միջազգային փորձը ցույց է տալիս, որ խրամատային պաշտպանության ժամանակ հենց անվադողներն են հուսալի պաշտպանություն ապահովում: Որքան էլ ծիծաղելի հնչի, այդուհանդերձ փաստ է, որ անգամ տանկի կրակի դեպքում անվադողն առավել բարձր պաշտպանվածություն է ապահովում, քան պատը:
ՊՆ մամուլի քարտուղարի խոսքերով` այս նպատակով յուրքանչյուր տարի տասնյակ հազարավոր անվադողեր են հանձնվում պաշտպանության նախարարություններին:
Մինչդեռ կառավարությունն արգելում է Հայաստան ներմուծել այն անվադողերը, որոնք պետք են մեր հանրապետությունների սահմաններն առավել պաշտպանված պահելու համար:
Այսպես` սահմանային կետերում հատուկ նշում կա, ըստ որի` հին դողերը Հայաստան ներմուծելը խստիվ արգելվում է: Կառավարության 8 հուլիսի 2004 թվականի N 1093-Ն որոշման համաձայն արգելված ՀՀ արգելված վտանգավոր թափոնների մեջ է մտնում նաև հին դողերը, մինչդեռ, եթե հնարավորություն տրվեր Հայաստան ներմուծել հենց հին անվադողեր:
Այնպես, որ նախ և առաջ ելնելով սահմանների պաշտպանությունից` Վրաստանում նոր անվադողեր ձեռք բերած ՀՀ քաղաքացիներին պետք է թույլատրվի հները բերել Հայաստան և այն հանձնել Պն-ին, ոչ թե թողնել Վրաստանում:
