Արտաքին գործերի նախարարությունը հայտարարություն է տարածել՝ թափուր հաստիքների մրցույթի հայտարարման վերաբերյալ: Համաձայն «Դիվանագիտական ծառայության մասին» ՀՀ օրենքի և ՀՀ կառավարության 2002թ. փետրվարի 13-ի «Դիվանագիտական ծառայության թափուր պաշտոն զբաղեցնելու համար արտաքին ու ներքին մրցույթ անցկացնելու և դիվանագետների փորձաշրջան անցնելու կարգը, դիվանագիտական ծառայության պաշտոնում նշանակվելու համար անհրաժեշտ մասնագիտությունների ցանկը և ծառայողական պարտականությունների և լիազորությունների իրականացմանը խոչընդոտող հիվանդությունների ցանկը հաստատելու մասին» թիվ 121 որոշման՝ ՀՀ ԱԳՆ մրցութային-ատեստավորող հանձնաժողովը հայտարարում է մրցույթ հետևյալ թափուր պաշտոնները զբաղեցնելու համար.

• Եվրոպայի վարչության երկկողմ հարաբերությունների 1-ին բաժնի 3-րդ քարտուղար  (անհրաժեշտ է ունենալ պետական մարմիններում, միջազգային կազմակերպություններում, կրթական և գիտական հաստատություններում համապատասխան մասնագիտական աշխատանքային առնվազն 3 տարվա ստաժ, և իսպաներեն ու ֆրանսերեն լեզուների  պարտադիր  իմացություն)

• Սահմանակից երկրների վարչության Իրանի բաժնի 3-րդ քարտուղար (անհրաժեշտ է ունենալ պետական մարմիններում, միջազգային կազմակերպություններում, կրթական և գիտական հաստատություններում համապատասխան մասնագիտական աշխատանքային առնվազն 3 տարվա ստաժ և պարսկերեն լեզվի  պարտադիր իմացություն)

• ՀՀ քաղաքացիություն,
• հայերեն և առնվազն երկու օտար լեզվի ազատ տիրապետում,
• բարձրագույն կրթություն (հավատարմագրված մասնագիտություն ստանալու մասին վկայագիր),
• համակարգչային գիտելիքներ:

Մրցույթն անցկացվելու է երկու փուլով՝ ՀՀ Սահմանադրության, պետական կառավարման համակարգի, դիվանագիտական ծառայության հիմունքների, ներքին և արտաքին քաղաքական խնդիրների, հայ ժողովրդի պատմության, միջազգային հարաբերությունների իմացությունը, վերլուծական ունակությունները և լեզուների իմացությունը ստուգելու նպատակով գրավոր աշխատանքի և հարցազրույցի:

Գրավոր աշխատանքն անցկացվելու է ս.թ. ապրիլի 29-ին ժամը 10.00 ՀՀ ԱԳՆ շենքում (Երևան, Վազգեն Սարգսյան 3/8): Հարցաշարին կարելի է ծանոթանալ www.mfa.am ինտերնետային կայքում:

Հարցազրույցին մասնակցելու իրավունք են ձեռք բերում մրցույթի այն մասնակիցները, ովքեր ճիշտ են պատասխանել գրավոր աշխատանքի բաղադրիչներից ընդհանուրն առնվազն 80 տոկոսին՝ պայմանով, որ որևէ բաղադրիչով հավաքած միավորը պակաս չլինի 75 տոկոսից:

Մրցույթին մասնակցելու համար անհրաժեշտ է ներկայացնել.

ա/ դիմում (լրացվում է տեղում)

գ/ բարձրագույն կրթությունը հաստատող փաստաթղթի պատճեն

դ/ ՀՀ կառավարության 2002թ. փետրվարի 13-ի թիվ 121 որոշման 19-րդ կետի «դ» ենթակետով սահմանված բժշկական տեղեկանք՝ ՀՀ առողջապահության նախարարության կողմից սահմանված կարգով՝ Երևան քաղաքի թիվ 4 (Մոսկովյան 13) կամ թիվ 8 (Բաղրամյան 51ա) պոլիկլինիկաներից

ե/ բնութագիր՝ վերջին աշխատանքի վայրից՝ անմիջական ղեկավարի կողմից տրված (առկայության դեպքում)

զ/ աշխատանքային գրքույկի պատճեն կամ քաղվածք (նախկինում աշխատած լինելու դեպքում), կամ տեղեկանք աշխատանքային գործունեության մասին,

է/ զինապարտ լինելու դեպքում՝ զինվորական գրքույկի պատճեն, իսկ ժամկետային զինվորական ծառայություն չանցած արական սեռի անձանց՝ ՀՀ օրենսդրությամբ սահմանված կարգով զինվորական հաշվառման մեջ գտնվելու, ժամկետային զինվորական ծառայությունից ազատված լինելու կամ ժամկետային զինվորական ծառայությունից տարկետման իրավունք ունենալու վերաբերյալ համապատասխան տեղեկանք

ը/ 4 լուսանկար՝ 3×4 սմ չափի:

Մրցույթի մասնակիցներն իրենց հայեցողությամբ կարող են ներկայացնել նաև մասնագիտական գիտելիքները և գործնական կարողությունները հավաստող այլ փաստաթղթեր:

Քաղաքացին փաստաթղթերի պատճենները ներկայացնում է բնօրինակների հետ միասին, անձամբ:

Վերը նշված փաստաթղթերի ընդունումը իրականացվելու է աշխատանքային օրերին՝ ս.թ. մարտի 29-ից ապրիլի 7-ը, ժ. 15.30-ից մինչև 16.30: Բժշկական հետազոտման ուղեգրերը տրվում են ՀՀ ԱԳՆ կողմից ԱԳՆ անցագրային կետում ս.թ. մարտի 29-ից: Հաշվի առնելով բժշկական հետազոտման երկարատևությունը խնդրվում է նախապես ստանալ ուղեգրերը և դիմել պոլիկլինիկա:

Տեղեկությունների համար դիմել ՀՀ ԱԳՆ անձնակազմի կառավարման վարչություն, հեռ. (060) 620-631:

Իրավաբան.net