Մարտի 19-ին, ժամը 06.43-ին տեղեկություն է ստացվել, որ բքի պատճառով Գորիս-Սիսիան ավտոճանապարհին ավտոմեքենաները չեն կարողանում շարունակել ընթացքը. անհրաժեշտ է փրկարարների օգնությունը: Հայտնում են ԱԻՆ-ից:

Դեպքի վայր է մեկնել մեկ մարտական հաշվարկ:

Ժամը 11.30-ի դրությամբ հրշեջ-փրկարարները «Ոսմար» ՍՊԸ (Գորիսի ՃՇՇ) և ՃՈ աշխատակիցների հետ համատեղ Երևան-Մեղրի ավտոճանապարհի Գորիս-Սիսիան հատվածի 8-16 կմ-ից արգելափակումից դուրս են բերել ևս 60 ավտոմեքենա (մոտ 300 ուղևոր):

Մարտի 19-ի ժամը 15.00-ի դրությամբ հրշեջ-փրկարարները «Ոսմար» ՍՊԸ (Գորիսի ՃՇՇ) և ՃՈ աշխատակիցների հետ համատեղ Գորիս-Սիսիան հատվածի 8-16 կմ-ից արգելափակումից դուրս են բերել ևս 21 ավտոմեքենա (80 ուղևոր):

***

Մարտի 18-ին, ժամը 14.28-ին տեղեկություն է ստացվել, որ Գորիս-Սիսիան ավտոճանապարհի «Տաթևի խաչմերուկ» կոչվող հատվածում բքի պատճառով ավտոմեքենաներ են խցանվել. անհրաժեշտ է փրկարարների օգնությունը:

Դեպքի վայր է մեկնել երկու մարտական հաշվարկ և Սիսիանի ՀՓՋ-ի օպերատիվ խումբը:

Ժամը 23.10-ի դրությամբ փրկարարները ճանապարհային ոստիկանության և «Գորիսի ՃՇՇ» ՓԲԸ-ի աշխատակիցների հետ համատեղ արգելափակումից դուրս են բերել 250 ավտոմեքենա (600 ուղևոր):

Իրավաբան.net