ՀՀ նախագահ Սերժ Սարգսյանի այսօր ստորագրած հրամանագրով Վախթանգ Աբրահամյանը նշանակվել է ՀՀ կենտրոնական բանկի նախագահի տեղակալ` վեց տարի ժամկետով` դադարեցնելով նրա՝ ՀՀ ԿԲ խորհրդի անդամի լիազորությունները:
ՀՀ նախագահի կողմից ստորագրված մեկ այլ հրամանագրով ՀՀ կենտրոնական բանկի խորհրդի անդամներ են նշանակվել Արկադի Խաչատրյանը և Արմենակ Դարբինյանը: Արկադի Խաչատրյանը նշանակվել է մինչև 2018թ. սեպտեմբերի 2-ը, իսկ Արմենակ Դարբինյանը` հինգ տարի ժամկետով:
Ստորև ներկայացնում ենք Վախթանգ Աբրահամյանի կենսագրությունը.
Ծննդյան տարեթիվ – 14.02.1975թ.
Կրթություն
1991-1996թթ. – Երևանի ժողովրդական տնտեսության ինստիտուտ
2004թ. – «Համաշխարհային առևտուր` ֆինանսներ և էկոնոմիկա» Թաֆտթս Համալսարան, Ֆլետչերի իրավունքի և դիվանագիտության դպրոց, Բոստոն, Մասաչուսեթս
Վերապատրաստում
2007թ. – «Ներքին աուդիտի գործունեությունը, Չիկագո, Բանկեր, Գործընթացներ, Ստանդարտներ, Որակ» թեմայով IV գիտագործնական կոնֆերանս, ՈՒֆա
2002թ. – «Տեղեկատվական տեխնոլոգիաների վերահսկողություն», Ամստերդամ
2001թ. – Ֆրանսիայի և Իսպանիայի բանկերում վճարային ծառայությունների և պլաստիկ քարտերի բնագավառում փորձի փոխանակում, Մադրիդ և այլն:
Աշխատանքային գործունեություն
01.09.2008թ.-ից առ այսօր ՀՀ կենտրոնական բանկ, խորհրդի անդամ
1995թ.-01.09.2008թթ – ՀՀ կենտրոնական բանկ, տնտեսագետ, մասնագետ, ավագ մասնագետ, բաժնի պետ, գլխավոր վերստուգիչ
2007թ. հունիս – ՀՀ կենտրոնական բանկ, տեղեկատվական տեխնոլոգիաների որակավորված աուդիտոր (CISA)
Ընտանեկան դրություն` Ամուսնացած է, ունի երեք երեխա:
Լուսանկարը ` cba.am-ի
