Այս տարվա նոյեմբերի 19-ին ՀՀ նախագահի հրամանագրով Դավիթ Չիբուխչյանը 6 տարի ժամկետով նշանակվեց Վերահսկիչ պալատի խորհրդի անդամ: Նա արդեն իսկ ներկայացրել է գույքի և եկամուտների վերաբերյալ հայտարարագիր:
Նա ունի երկու մարդատար ավտոմեքենա՝ Toyota Corolla 1.6 և Kia Sorento 3.3: 
Դավիթ Չիբուխչյանի դրամական միջոցները կազմում են 6.5 միլիոն դրամ, 32 հազար ԱՄՆ դոլար, 11 հազար եվրո, 512 հազար ռուսական ռուբլի:
Նրա եկամուտները ստացվել են վարձակալության դիմաց ստացված վճարներից (3.8միլիոն դրամ) և աշխատավարձից (4 միլիոն 760 հազար դրամ), ընդհանուր եկազմուտը 8 միլիոն 560 հազար դրամ է:
Նշենք, որ Դավիթ Չիբուխչյանը 34 տարեկան է, մասնագիտությամբ՝ տնտեսագետ: Աշխատել է Հայաստանի Հանրապետության ֆինանսների և էկոնոմիկայի նախարարության պետական եկամուտների քաղաքականության վարչության հարկերի մեթոդաբանության բաժնում, որպես առաջատար մասնագետ, գլխավոր մասնագետ, իսկ 2005 թվականին` բաժնի պետ:
2007 թվականից դեկտեմբերից` ՀՀ վերահսկիչ պալատի պետական բյուջեի վերահսկողության վարչության մուտքերի վերահսկողության բաժնի պետ, 2008թ. հուլիսից` երկրորդ վարչության պետ:
Լուսանկարը՝ Վերահսկիչ պալատի կայքից:
