Այսօր ոստիկանության Կապանի բաժանմունքում ահազանգ է եղել, որ քաղաքի բժշկական կենտրոնում ռումբ կա տեղադրված: Այս մասին հայտնում է Իրավաբան.net-ի հանրային թղթակիցը:
Նրա խոսքերով՝ Կապանի բժշկական կենտրոնի բոլոր հիվանդներին ու բժիշկներին տարհանել են ու տեղափոխել են պոլիկլինիկա, հիվանդանոցում այս պահին որևէ մարդ չկա, նույնիսկ ընդունարանում զանգերին չեն պատասխանում:
Հիվանդանոց են ժամանել ոստիկաններն ու փրկարարները: Դեռևս հստակ չի՝ ահազանգը կեղծ է, թե՝ ոչ:
