ՀՀ վարչապետ Հովիկ Աբրահամյանը որոշում է ընդունել՝ ՀՀ արդարադատության փոխնախարար Սուրեն Քրմոյանին Իսպանիայի Թագավորություն գործուղելու մասին: Որոշմամբ, մասնավարապես, ասվում է՝
«Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով uահմանված կարգի 121-րդ կետի 3-րդ ենթակետի`
1. Հայաստանի Հանրապետության արդարադատության նախարարի տեղակալ Սուրեն Քրմոյանին 2015 թվականի նոյեմբերի 16-20-ը գործուղել Իսպանիայի Թագավորություն (Մադրիդ և Բարսելոնա)` «Առողջապահության և մարդու իրավունքների պաշտպանության ամրապնդումը Հայաստանի բանտերում» ԵՄ և ԵԽ համատեղ ֆինանսավորմամբ իրականացվող ծրագրով նախատեսված ուսումնական այցին մասնակցելու համար:
2. Ընդունել ի գիտություն, որ Սուրեն Քրմոյանի` Իսպանիայի Թագավորություն (Մադրիդ և Բարսելոնա) գործուղման հետ կապված ծախսերը կատարվելու են հրավիրող կողմի հաշվին:
3. Հայաստանի Հանրապետության արդարադատության նախարարին՝ ապահովել գործուղումից վերադառնալուց հետո եռօրյա ժամկետում Սուրեն Քրմոյանի` Իսպանիայի Թագավորություն գործուղման արդյունքների մասին հաշվետվությունը Հայաստանի Հանրապետության կառավարության աշխատակազմ ներկայացնելը»:
