11 սուպերմարկետների ցանցերի ներկայացուցիչները հայտարարություն են տարածել, որում ասվում է.
«Հարգելի հայրենակիցներ, մեր ընկերությունները ՀՀ ՊԵԿ նախկին ղեկավարության հետ ունեցած պայմանավորվածության համաձայն տեղական արտադրության գյուղմթերքի և մսամթերքի վաճառքն իրականացրել են գրանցված տարբեր ԱՁ-ներով` այդ կերպ նպատակ ունենալով ապահովել մանրածախ վաճառքի ցածր գները:
Ստեղծված իրավիճակում, հասկանալով տվյալ ոլորտը կարգավորելու անհրաժեշտությունը, հայտարարում ենք, որ վերջին օրերին մեր կողմից բարձրացված գները վերդարձնում ենք նախկին մակարդակի, և դրանք անփոփոխ են: Պատրաստակամ ենք գործող օրենքների խստագույն պահպանմամբ շարունակել մեր հետագա գործունեությունը»:
Իսկ քիչ առաջ «Երևան Սիթի» սուպերմարկետների ցանցը ֆեյսբուքյան իր էջում հայտարարություն էր տեղադրել, որում կրկին նշում էր. «Վերջ թանկացումներին, հարգելի գնորդներ, սիրով տեղեկացնում ենք, որ այսօր ժամը 16։00-ից սկսած Երևան Սիթի սուպերմարկետներում մրգի, բանջարեղենի և մսի գները նվազել են»:
