Ամերիկայի Միացյալ Նահանգներում անհայտ անձը կրակ է բացել Սպիտակ տան մոտակայքում: Այս մասին տեղեկանում ենք ԱՄՆ գաղտնի ծառայության Թվիթերի էջից:
«Գաղտնի ծառայության աշխատակիցները վերլուծում են միջադեպը, որի ժամանակ անհայտ տղամարդը ատրճանակից վիրավորել է ինքն իրեն Սպիտակ տան հյուսիսային ցանկապատի մոտ», – նշվում է հաղորդագրության մեջ:
Վիրավոր տղամարդուն օգնություն է ցույց տվել բուժանձնակազմը: Սպիտակ տան մոտակայքում երթևեկությունը սահմանափակվել է:
