Բաղրամյան պողոտայի սկզբնամասում քիչ առաջ ելույթ ունեցավ ՀՀ փոխոստիկանապետ ոստիկանության գեներալ-լեյտենանտ Հունան Պողոսյանը, ով խոստացավ ցուցարարների նկատմամբ ոստիկանության կողմից ուժ չկիրառել, եթե ցուցարարները պահպանեն ակցիայի խաղաղ ընթացքը և սադրանքների չդիմեն:
Նա նաև տեղեկացրեց, որ ոստիկանապետը կարող է միջնորդել, որպեսզի ՀՀ նախագահը ընդունի ակցիայի կազմակերպիչների 5-ից 6 հոգուց խմբին: Բողոքի ակցիայի կազմակերպիչները պնդում են, որ ՀՀ նախագահի հետ հանդիպումը հեռարձակվի ուղիղ եթերով:
Ներկայումս բողոքի ինքնաբուխ ակցիայի կազմակերպիչները քննարկում են փոխոստիկանապետի առաջարկը:
