Երկարատև և ծանր հիվանդությունից հետո մահացել է Գերմանիայում Հայաստանի Հանրապետության արտակարգ և լիազոր դեսպան Վահան Հովհաննեսյանը:
Վահան Հովհաննեսյանը ծնվել է 1956թ. օգոստոսի 16-ին Երևանում։
1963 – 1973թթ. – սովորել է Երևանի Ա. Չեխովի անվան հ. 55 դպրոցում,
1973 – 1978թթ. – ուսանել է Երևանի Վ. Բրյուսովի անվան օտար լեզուների ինստիտուտում, ուսանել և ավարտել է Մոսկվայի մանկավարժական համալսարանի պատմության ֆակուլտետը՝ պատմաբան-հնագետի մասնագիտությամբ,
1978 – 1980թթ. – ծառայել է խորհրդային բանակում,
1980 – 1989թթ. – «Էրեբունի» թանգարանում գիտաշխատող, գիտահետազոտական բաժնի վարիչ,
1989 – 1989թթ. – ԳԱ հնագիտության և ազգագրության ինստիտուտում գիտաշխատող,
1990թ. – ստացել է պատմական գիտությունների թեկնածուի գիտական աստիճան,
1990 – 1992թթ. – Հայ Յեղափոխական Դաշնակցություն (ՀՅԴ) կուսակցության անդամ,
1992 – 1995թթ. – ՀՅԴ Հայաստանի Կենտրոնական կոմիտեի, ՀՅԴ Բյուրոյի անդամ,
1998 – 1999թթ. – ՀՀ Նախագահի խորհրդական՝ տեղական ինքնակառավարման հարցերով,
1999 – 2003թթ. – ՀՀ Ազգային ժողովի պատգամավոր, ԱԺ պաշտպանության, ազգային անվտանգության և ներքին գործերի մշտական հանձնաժողովի նախագահ, ՆԱՏՕ-ի խորհրդարանական վեհաժողովում ԱԺ պատվիրակության ղեկավար, ՀՅԴ խմբակցության անդամ,
2003 – 2007թթ. – ՀՀ Ազգային ժողովի պատգամավոր, ԱԺ փոխնագահ, ԵԱՀԿ խորհրդարանական վեհաժողովում ԱԺ պատվիրակության ղեկավար, Հայաստան-Ռուսաստան միջխորհրդարանական հանձնաժողովի համանախագահ, ՀՅԴ խմբակցության անդամ,
2007 – 2012թթ. – ՀՀ Ազգային ժողովի պատգամավոր, ՀՅԴ խմբակցության անդամ,
2007 – 2008թթ. – ՀՀ ԱԺ փոխնախագահ,
2008թ. – առաջադրվել և մասնակցել է ՀՀ նախագահական ընտրություններում՝ որպես ՀՅԴ թեկնածու,
2008 – 2012թթ. – ՀՀ Ազգային ժողովի պատգամավոր, ԱԺ արտաքին հարաբերությունների մշտական հանձնաժողովի անդամ, ՀՅԴ խմբակցության ղեկավար,
2010 – 2012թթ. – ԵՎՐՈՆԵՍԹ խորհրդարանական վեհաժողովում ՀՀ ԱԺ պատվիրակության ղեկավար,
2012 – 2013թթ. – ՀՀ Ազգային ժողովի պատգամավոր, ԱԺ Առողջապահության, մայրության և մանկության հարցերի, Պաշտպանության, ազգային անվտանգության և ներքին գործերի մշտական հանձնաժողովների և Էթիկայի ժամանակավոր հանձնաժողովի անդամ, ԱԺ հայ-գերմանական միջխորհրդարանական բարեկամության խմբի անդամ, ԵՎՐՈՆԵՍԹ խորհրդարանական վեհաժողովում ՀՀ ԱԺ պատվիրակության անդամ,
2012թ. – ԵՎՐՈՆԵՍԹ խորհրդարանական վեհաժողովի փոխնախագահ։
ՀՀ Նախագահի՝ 2013թ. դեկտեմբերի 28-ի հրամանագրով նշանակվել է Գերմանիայի Դաշնային Հանրապետությունում Հայաստանի Հանրապետության արտակարգ և լիազոր դեսպան:
Հնագիտության և հին պատմության բնագավառում 30-ից ավելի գիտական հրատարակված աշխատությունների հեղինակ է: Դասախոսել է Երևանի պետական համալսարանում՝ հնագիտություն և քաղաքագիտություն մասնագիտություններով:
Իրավաբան.net-ի խմբագրակազմը ցավակցում է Վահան Հովհաննիսյանի հարազատներին, մտերիմներին և ընկերներին:
