.png)
«Ցեղակրոն» կուսակցության առաջնորդ Շանթ Հարությունյանի որդու` Շահեն Հարությունյանի նկատմամբ մեղադրանք է առաջադրվել ՀՀ քրեական օրենսգրքի 258-րդ հոդվածի 4-րդ մասով:
Նշված հոդվածի համաձայն՝ խուլիգանությունը, որը կատարվել է զենքի կամ որպես զենք օգտագործվող առարկաների գործադրմամբ՝ պատժվում է ազատազրկմամբ՝ չորսից յոթ տարի ժամկետով:
Այս լուրը Իրավաբան.net-ի թղթակցի հետ զրույցում հաստատեց Շահեն Հարությունյանի մայրը՝ Ռուզաննա Բադալյանը:
Ըստ նրա՝ առաջադրված մեղադրանքն անհիմն է. «Առաջադրված հոդվածի միակ նպատակը Շանթի վրա ճնշում գործադրելն է»:
Շահեն Հարությունյանը ստորագրությամբ բաց են թողել` հանձնելով ծնողի հսկողությանը:
Նշենք, որ նույն հոդվածով մեղադրանք է առաջադրվել նաև Շանթ Հարությունյանին:
Լուսանկարը` Շահեն Հարությունյանի ֆեյսբուքյան էջից
