Սեպտեմբերի 22-ին անհայտ անձը զանգահարել է Կոտայքի մարզի օպերատիվ կառավարման կենտրոն ու հայտնել է, որ Չարենցավան քաղաքի «Սերվիսի» խաչմերուկի մոտ թողել է զենք-զինամթերք:
Iravaban.net-ը տեղեկանում է ՀՀ ոստիկանությունից:
Համայնքային ոստիկանության Չարենցավանի բաժնից մեկնած օպերատիվ խումբը նշված վայրում հայտնաբերել է նռնականետ, «Մակարով» ատրճանակ, առանց պայթուցիչի երեք նռնակ, տարատեսակ 112 փամփուշտ և այլն։
Կրկին հորդորում ենք ապօրինի պահվող զենք-զինամթերքը կամավոր հանձնել ոստիկանություն՝ քրեական պատասխանատվությունից խուսափելու համար:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
