Ի՞նչ է համարվում գտանք

ՀՀ Քաղաքացիական օրենսգրքի Հոդված 180-ը սահմանում է կորցրած  գույքի հետ կապված պարտականություններն ու իրավունքները՝ հասկանալու համար, թե ինչպես պետք է վարվել գտնելու դեպքում:

Գույքը գտնելու դեպքում պարտականություններ

• Գույքը գտնողը պարտավոր է առաջին հնարավորության դեպքում տեղեկացնել այն կորցրած անձին, գույքի սեփականատիրոջը կամ այն անձին, ով իրավունք ունի ստանալ գույքը, և վերադարձնել այն։
• Եթե գույքը գտնվել է շենքում կամ տրանսպորտում, այն պետք է հանձվի շենքի կամ տրանսպորտի սեփականատիրոջը կամ տիրապետողին։ Այդ դեպքում անձը, ում հանձնվում է գտանքը, ձեռք է բերում գույքը գտնող անձի իրավունքները և կրում է նրա պարտականությունները:

Եթե իրավասու անձը անհայտ է

• Եթե գույքը վերադարձնելու իրավունք ունեցող անձը կամ նրա գտնվելու վայրը անհայտ է, գտնողը պարտավոր է գույքի մասին տեղեկացնել ոստիկանություն կամ տեղական ինքնակառավարման մարմին։

Գույքը պահելու և օգտագործելու իրավունքներ

• Գույքը գտնողը իրավունք ունի այն պահել իր մոտ կամ ներկայացնել ոստիկանություն, տեղական ինքնակառավարման մարմին կամ դրանց նշած անձին։
• Արագ փչացող գույք կամ այն գույքը, որի պահպանման ծախսերը անհամաչափ մեծ են դրա արժեքից, գտնողն կարող է գույքը իրացնել` ձեռք բերելով հասույթի գումարը հավաստող գրավոր ապացույցներ: Գտնված գույքի վաճառքից ստացված գումարը պետք է վերադարձվի այն ստանալու իրավասություն ունեցող անձին:

Պատասխանատվություն

• Գույքը գտնողը պատասխանատու է դրա կորստի կամ վնասվածքի համար միայն մեղքի առկայության դեպքում, այսինքն՝ եթե գույքը վնասվել է կամ կորել իր անմիջական մեղքով։

Հիշեցում
Գույքը գտնողը պետք է միշտ հիշի, որ գտած գույքը պատկանում է այն անձին, ով իրավասու է ստանալ այն, և օրենքն ակնհայտորեն սահմանում է պարտականությունները գույքը վերադարձնելու կամ համապատասխան մարմիններին հանձնելու համար։

Հավելյալ տեղեկությունների համար կարող եք այցելել Իրավաբան.net մասնագիտական առցանց մեդիա։

Ծանուցում. սույն նյութը պատրաստված է միայն իրավական իրազեկման նպատակով և չի հանդիսանում իրավաբանական խորհրդատվություն։ Կոնկրետ իրավիճակներում իրավաբանական խորհրդատվություն ստանալու համար անհրաժեշտ է դիմել մասնագետի։