Սեզոնային զեղչերն ու տոնական ակցիաները, ինչպես նաև եղանակային փոփոխությունները, սովորաբար ուղեկցվում են առցանց գնումների ծավալի աճով։ 2024 թվականին շուրջ 2.7 միլիարդ մարդ առնվազն մեկ անգամ կատարել է առցանց գնում, և այդ թիվը շարունակում է աճել։
Այս ակտիվությունը նոր հնարավորություններ է ստեղծում գնորդների համար, բայց միևնույն ժամանակ բարձրացնում է կիբերանվտանգության հետ կապված ռիսկերը։ Այս մասին հայտնում են Wildberries-ի մամուլի ծառայությունից։
Միջազգային վիճակագրության համաձայն՝ 2024 թվականին գլոբալ էլեկտրոնային առևտրի ծավալը գերազանցել է 6 տրիլիոն դոլարը։ Յուրաքանչյուր չորրորդ գնում իրականացվում է բջջային սարքի միջոցով, ինչը դարձնում է այդ միջավայրը առավել գրավիչ զեղծարարների համար։
Լինելով տարածաշրջանի խոշոր առցանց հարթակներից մեկը՝ Wildberries-ը ներդրել է բազմաթիվ մեխանիզմներ՝ օգտագործողներին խաբեություններից պաշտպանելու համար։ Զեղծարարները փորձում են գտնել ոչ միայն համակարգում խոցելի կետեր, այլև օգտատերերի վարքում թույլ կողմերը։
Ահա թե ինչու է կարևոր ճանաչել ոչ միայն ընդհանուր անվտանգության կանոնները, այլև ամենատարածված խաբեության մեխանիզմները՝ կեղծ աջակցություն, կեղծ կայքեր, չափազանց շահավետ առաջարկներ և այլն։
Wildberries-ը խթանում է թվային գիտակցության մշակույթը, որտեղ յուրաքանչյուր օգտատեր գիտակցում է իր պատասխանատվությունը և ի վիճակի է ինքնուրույն պաշտպանվել խաբեությունից։
Ինչպե՞ս ապահով կատարել գնումներ
- Օգտագործեք միայն վստահելի հարթակներ և հավելվածներ։
- Մի կիսվեք անձնական տեղեկատվությամբ։
- Ակտիվացրեք երկփուլանոց նույնականացումը։
- Ճանաչեք կեղծ կայքերն ու առաջարկները։
- Վճարեք միայն անվտանգ եղանակներով։
- Մինչ գնում կատարելը ուսումնասիրեք ապրանքի և վաճառողի վերաբերյալ կարծիքները։
Աշխարհում միլիարդավոր դոլարներ կորցվում են կիբերխարդախությունների արդյունքում։ Հատկապես ակտիվ սեզոններին՝ ամռանը, տոնական շրջանում կամ «Սև ուրբաթի» ընթացքում, հարձակումների թիվը կտրուկ ավելանում է։ Հիմնական կանոնների պահպանումը և հնարավոր սպառնալիքների մասին տեղեկացվածությունը կօգնեն խուսափել ֆինանսական կորուստներից և պաշտպանել ձեր տվյալները։
Թվային աշխարհը դարձնում է գնումները հարմար և հասանելի, բայց հենց օգտատերն է առաջին պաշտպանության գիծը։ Կիբերանվտանգությունը սկսվում է պարզ, բայց գիտակցված քայլերից։
