Այսօր՝ հոկտեմբերի 26-ին, տեղի է ունեցել Երևանի ավագանու արտահերթ նիստը, որին մասնակցում է ավագանու 48 անդամ։ Օրակարգում էր Երևանի փոխքաղաքապետեր ընտրելու հարցը:
Արմեն Փամբուխչյանը ընտրվեց Երևանի քաղաքապետի առաջին տեղակալի պաշտոնում 32 կողմ, 5 ձեռնպահ ձայներով։
Քաղաքապետի տեղակալներ ընտրվեցին Լևոն Հովհաննիսյանը (31 կողմ, 5 ձեռնպահ), Սուրեն Գրիգորյանը (32 կողմ, 5 ձեռնպահ) և Սարգիս Մադաթյանը (32 կողմ, 5 ձեռնպահ):
Նշենք որ քաղաքապետի տեղեկալներից 3-ը «Քաղաքացիական պայմանագիր» կուսակցությունից են, 1-ը «Հանրապետություն» կուսակցությունից:
«Ազգային առաջընթաց» խմբակցության ղեկավար Արամ Թորոսյանը «Հանրային ձայն» խմբակցությանը հորդորեց չմասնակցել քաղաքային իշխանությունների ձևավորման համար նախատեսված քվեարկություններին։
«Հորդորում եմ չգրանցվել փոխքաղաքապետերի ընտրության քվեարկության համար, քվորում չի ապահովվի, հետևաբար, նիստը չի կայանա և իշխանությունները չեն ձևավորվի»,- հայտարարեց Արամ Թորոսյանը։
Այս հայտարարությունից հետո «Ազգային առաջընթաց» խմբակցության անդամները լքեցին նիստերի դահլիճը։ «Հանրային ձայն» խմբակցությունն էլ հայտնեց, որ բոլոր թեկնածուներին ձեռնպահ է քվեարկելու, քանի որ ծանոթ չէ նրանց ու նրանց գործունեությանը։
