Ադրբեջանի պետական հանրային հեռուստաընկերությունը՝ Az.TV-ն իր հաղորդումներից մեկում ներկայացնում է Սևանը որպես «ադրբեջանական տարածք»: Այս մասին հայտնում է ադրբեջանագետ, նախկին պատգամավոր Տաթևիկ Հայրապետյանը։
«Նյութում գրված է՝ «ճամփորդենք դեպի Արևմտյան Ադրբեջան. մեր պատմական հողերը»:
Սա տարածում եմ որպեսզի ևս մեկ անգամ համոզվեք, որ չի կարելի պատրանքներ ունենալ և հավատալ «Արցախը հանձնենք, ՀՀ–ն կպահենք» կեղծ թեզերին: Արցախի հանձնումը միայն ավելի է արագացնելու Հայաստանի դեմ հարձակման գործընթացը: Ադրբեջանում պետական մակարդակով քարոզվում է այդ խուսույթը:
Հիշեցնեմ, որ դեռևս անցած տարվա դեկտեմբերի 24–ին Բաքվի բռնապետը իր ելույթում նշել էր. «Հայաստանը երբեք գոյություն չի ունեցել այս տարածաշրջանում: Ներկայիս Հայաստանը մեր տարածքն է»:
Սա այն ամենն է, ինչ Նիկոլ Փաշինյանը ստացել է Արցախն Ադրբեջանի մաս ճանաչելու, ինչպես նաև Հայաստանը–Վրաստանին ու Հայաստանն–Իրանին կապող ճանապարհները վտանգելու դիմաց»,-նշել է նա:
Տեսանյութը՝ այստեղ։
