Բարձրագույն դատական խորհուրդը մարտի 17-ին որոշում է ընդունել, որով Տավուշի մարզի առաջին ատյանի ընդհանուր իրավասության դատարանի քրեական մասնագիտացման դատավորի պաշտոնի համար հանրապետության նախագահին է առաջարկվել Սասորն Մխիթարյանի թեկնածությունը։
Որոշման մեջ մասնավորապես ասվում է․
«1. Հանրապետության նախագահին առաջարկել Սասուն Սուրենի Մխիթարյանի թեկնածությունը` Տավուշի մարզի առաջին ատյանի ընդհանուր իրավասության դատարանի քրեական մասնագիտացման դատավորի պաշտոնի թափուր տեղում նշանակելու համար:
2. Սույն որոշման 1-ին կետով ներկայացված առաջարկի վերաբերյալ «Հայաստանի Հանրապետության դատական օրենսգիրք» սահմանադրական օրենքի 117-րդ հոդվածով սահմանված կարգով Հանրապետության նախագահի հրամանագիրն ուժի մեջ մտնելու պահից Սասուն Սուրենի Մխիթարյանին հանել դատավորների թեկնածուների ցուցակից և նրա ռեզերվային դատավորի կարգավիճակը համարել դադարած»:
