Հանդիպման ընթացքում պարոն դեսպանը խոսեց ՀՀ-ում Շվեյցարիայի դեսպանատան կողմից կրթության ոլորտում հետաքրքրությունների մասին, ինչպես նաև Շվեյցարիայի կառավարության կողմից տրամադրվող ասպիրանտական կրթաթոշակների մասին: Այս մասին հայտնում է պոլիտեխնիկական համալսարանի ռեկտոր Գոռ Վարդանյանը։
«Ողջունելով Շվեյցարիայի դեսպանի առաջին այցը Պոլիտեխնիկ՝ ներկայացրեցի բուհի 90-ամյա փառահեղ պատմության կարևոր ձեռքբերումները, ներկա զարգացումները և ռազմավարական առաջնայնությունները: Մանրամասն խոսել ենք մեր զարգացման ծրագրերի մասին՝ ներկայացրել եմ հիմնադրամի կազմում նոր ստեղծվող հիմնական դպրոցի հայեցակարգը, բուհական մակարդակում մասնագիտական կրթական ծրագրերի բարեփոխումները, ինժեներական լաբորատորիաները, նոր մասնագիտությունների ձևավորումը, գիտական և հետազոտական ուղղությունների առևտրայնացման և դեպի ինդուստրիա գնացող զարգացման նախագծերը:
Դեսպանն իր հերթին հայտնեց իր պատրաստակամությունը աջակցել ՀԱՊՀ և Շվեցարիայի համալսարանների հետ համագործակցությունը խթանելու ցանկացած նախաձեռնությանը»,-նշվում է հաղորդագրության մեջ:
