«Ճանապարհային դեպարտամենտ» հիմնադրամը տեղեկացնում է, որ հունվարի 11-ին՝ ժամը 20։00-ի դրությամբ, Թալինի, Նոյեմբերյանի, Ստեփանավանի, Գորիսի և Մեղրիի տարածաշրջաններում թույլ ձյուն է տեղում։

Նոյեմբերյանի, Մարտունիի տարածաշրջանների ավտոճանապարհներին և Ստեփանավանի ոլորաններում տեղ-տեղ մերկասառույց է։

Տավուշի տարածաշրջանում մառախուղ է, տեսանելիությունը՝ 100-150 մետր։

Միջպետական և հանրապետական նշանակության բոլոր ավտոճանապարհները բաց են:

Ճանապարհաշինարարներն ավտոճանապարհներին իրականացնում են մաքրման և աղ-ավազով մշակման աշխատանքներ։