Գլխավոր դատախազ Աննա Վարդապետյանը նոյեմբերի 1-ին հրաման է ստորագրել, որով զինվորական դատախազի տեղակալ է նշանակել։
Iravaban.net-ը հայտնում է, որ այդ պաշտոնում նշանակվել է Գրիգոր Էլիզբարյանը՝ ազատվելով Եղեգնաձորի կայազորի զինվորականա դատախազի պաշտոնից։
Նույն հրամանով Էլիզբարյանը հանվել է դատախազների ծառայողական առաջխաղացման ցուցակից։
Մեկ այլ հրամանով զինվորական դատախազի պարտականությունները նոյեմբերի 2-ից դրվելու են Էլիզբարյանի վրա։
Հավելենք, որ Էլիզբարյանը մինչ այդ զբաղեցրել է Շիրակի կայազորի զինվորական դատախազի, Լոռու կայազորի զինվորական դատախազի, Լոռու մարզի դատախազի, Երևան քաղաքի Շենգավիթ վարչական շրջանի դատախազի, ՀՀ զինվորական դատախազության Եղեգնաձորի կայազորի զինվորական դատախազի պաշտոնները։
