«Հայրենիք» կուսակցության նախագահ, Ազգային ժողովի «Պատիվ ունեմ» խմբակցության ղեկավար Արթուր Վանեցյանը ֆեյսբուքյան իր էջում գրել է.
«Այսօրվա խայտառակ դեպքերի մասին ասելու շատ բան կա, անպայման կասեմ:
Բայց հիմա կլինեմ շատ կարճ՝ չեք մարսելու:
Հ.Գ. սա մեր կուսակցական ընկերներից մեկի վնասված ոտքն է, ում անունը նրա խնդրանքով չեմ հրապարակում
Առողջություն բոլոր վիրավորներին»,- գրել է նա:
Նշենք, որ «Դիմադրություն» շարժման մասնակիցները շրջափակել էին Կառավարության շենքի բոլոր մուտքերը, որից հետո երթով շարժվեցին դեպի Կառավարական առանձնատուն, որտեղ էլ կանգ առան:
Ազգային ժողովի փոխխոսնակ Իշխան Սաղաթելյանն էլ՝ դիմելով հավաքված ոստիկաններին, կոչ արեց բացել ճանապարհը, որպեսզի շարժման մասնակիցները կարողանան այդ կողմով շարժվել Ազգային ժողով, որից հետո քաշքշուկ և հրմշտոց սկսվեց ոստիկանների և շարժման մասնակիցների միջև: Ոստիկանները սկսեցին բերման ենթարկել ցուցարարներին։
Հիշեցնենք, որ ընդդիմադիր խմբակցություններն այսօր հայ-ադրբեջանական և հայ-թուրքական հարաբերությունների օրակարգով ԱԺ արտահերթ նիստ էին հրավիրել, սակայն իշխող «Քաղաքացիական պայմանագիր» խմբակցությունը բոյկոտել էր նիստը, որի արդյունքում այն տեղի չունեցավ:
![Լուսանկարի նկարագրությունը հասանելի չէ:](https://scontent.fevn7-1.fna.fbcdn.net/v/t39.30808-6/285983528_4714073948698475_1330951203313081203_n.jpg?_nc_cat=110&ccb=1-7&_nc_sid=8bfeb9&_nc_ohc=Zr9ETsj_xacAX_uMntX&_nc_ht=scontent.fevn7-1.fna&oh=00_AT8UhL_gOCuPxWNTAWQDjJtq-nSu6O_FGWfBmphlnA3z2Q&oe=629F1154)