Մամուլում լուրեր են տարածվել, որ Ռուսաստանի Պետական Դումայի նախագահ Վյաչեսլավ Վոլոդինը չեղարկել է իր այս օրերին պլանավորած այցը Հայաստան։ Ըստ լուրերի, ԱԺ նախագահ Ալեն Սիմոնյանը զանգահարել և փորձել է վերջինիս համոզել, որ մտափոխվի, և որ Հայաստանում լարվածություն չկա, բայց նրա ջանքերը անարդյունք են մնացել:
Այս լուրերին ֆեյսբուքյան իր էջում անդրադարձել է Ազգային ժողովի նախագահի մամուլի քարտուղար Ծովինար Խաչատրյանը։
«Այս ժամանակահատվածում Վոլոդինի այց Հայաստան չի նախատեսվում։ Վյաչեսլավ Վոլոդինը լինելու է Հայաստանում հունիսին պաշտոնական այցով։ Նա նաև մասնակցելու է ՀԱՊԿ խորհրդարանական վեհաժողովի նիստին նախագահողի կարգավիճակով»,- գրել է նա:
