Երևանի մետրոպոլիտենի շարժակազմը համալրվել է ամբողջությամբ հիմնանորոգված ու արդիականացված 3 վագոնով: Այս շարժակազմի հարմարություններին է ծանոթացել Երևանի քաղաքապետ Հայկ Մարությանը:
Այս մասին հայտնում են Երևանի քաղաքապետարանից։
Նոր շարժակազմի գիծ դուրս գալով՝ գլխավոր գծում արդեն կաշխատի 12 շարժակազմ։ Այսպիսով՝ վագոնային հավաքակայանում մետրոպոլիտենն ունենում է 3 հատ 3 վագոնից բաղկացած շարժակազմ, որն էլ էականորեն կթեթևացնի ուղևորների հարմարավետ տեղափոխումը։
Շարժակազմի արդիականացումն ու հիմնանորոգումն իրականացվել է բացառապես մետրոպոլիտենի տնտեսած միջոցների հաշվին։
Մետրոպոլիտենը ներկայումս ունի ավելի քան 12,1 կմ-ոց ընդհանուր առմամբ շահագործվող գիծ, 10 կայարան, վագոնային հավաքակայանում առկա է 45 վագոն, որից շահագործվում է 33-ը։ Տարեկան մետրոն տեղափոխում է ավելի քան 20 մլն ուղևոր:
![](https://www.yerevan.am/uploads/media/news_gallery/0002/03/d5c2eb2fdb51c398b7d04944dd13ef26e4b3700e.jpeg)
![](https://www.yerevan.am/uploads/media/news_gallery/0002/03/e796aa007a28f3d039d2cf8fddd10dd6e67034e7.jpeg)
![](https://www.yerevan.am/uploads/media/news_gallery/0002/03/be6c187a3f54c2b4887f8f9211f72cf447b0655e.jpeg)
![](https://www.yerevan.am/uploads/media/news_gallery/0002/03/609f17ad558fc9fe167ceb2049e7aa3c90ce7782.jpeg)