Այսօր Ստեփանակերտում բացվեց հուշակոթող՝ նվիրված Արցախյան երկրորդ պատերազմում զոհված ազգային անվտանգության ծառայության ծառայողների հիշատակին։

Այս մասին տեղեկանում ենք Արցախի Հանրապետության ազգային անվտանգության ծառայությունից։

«Հուշակոթողը ևս մեկ անգամ արժևորում է այն նվիրյալների սուրբ գործը, ովքեր գիտակցված ընտրեցին անմահության ճամփան ու պատգամեցին բոլորին՝ լինել հայրենիքի փրկության առաջամարտիկը։

Ոգու ամրություն հերոսների ծնողներին, կանանց ու զավակներին։

Հավերժ փառք անմահացած բոլոր հերոսներին»,-ասված է հայտարարության մեջ։