Երևանի ավագանու անդամ, Հայաստանի պետական տնտեսագիտական համալսարանի ռեկտորի նախկին ժամանակավոր պաշտոնակատար Ռուբեն Հայրապետյանը ֆեյսբուքյան իր էջում լուսանկարներ է հրապարկել՝ նշելով․
«Այն ամենը, ինչ հարկավոր է իմանալ ՀՊՏՀ անօրինական ղեկավարության՝ վարչական լծակի գործադրմամբ կազմակերպած ամոթալի հավաքի մասին:
Ուսանողներն այս մարդկանց օրակարգում պարզապես չկան, գոյություն չունեն»։
Հիշեցնենք, որ այսօր՝ սեպտեմբերի 22-ին, Հայաստանի պետական տնտեսագիտական համալսարանի անձնակազմը և ուսանողների մի մասը բողոքի ակցիա իրականցրին կառավարության շենքի դիմաց՝ պահանջելով, որ հուլիսի 17-ին կայացած մրցույթում «ՀՊՏՀ» ՊՈԱԿ խորհրդի անդամների ձայների 2/3-ով ՀՊՏՀ ռեկտորի պաշտոնում ընտրված Դիանա Գալոյանին օրենքով ընդունված կարգով նշանակեն իր պաշտոնին:
