Հանգիստ գնացեք տուն։ Այս մասին ԱԱԾ-ի բակում լրագրողների հետ զրույցում ասաց Նաիրա Զոհրաբյանը, որի խոսքով՝ ինքը հեռանում է, քանի որ հանդիպում ունի։
Զոհրաբյանի հետ հեռացավ նաև Վահե Էնֆիաջյանը և «Բարգավաճ Հայաստան» կուսակցության մյուս անդամները։
Այնուհետև ԱԱԾ շենքից դուրս եկավ Գագիկ Ծառուկյանը։ Նա ևս մեկ անգամ պնդեց, որ գործը շինծու է։
Նրա խոսքով՝ դատարան միջնորդություն է ներկայացվել նրան կալանավորելու մասին, որը քննարկվելու է վաղը․ «Վաղը կտեսնեք»։
Միջնորդությունն արդեն ներկայացվել է Երևանի ընդհանուր իրավասության դատարանի Շենգավիթի նստավայր:
Ծառուկյանը այլ հարցերի չպատասխանեց, նստեց մեքենան և հեռացավ։
Շուտով նրան մեղադրանք կառաջադրվի։
