Մայիսի 18-ին Ագարակ արգելոց-թանգարանի տարածքում «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ը արձանագրել է գանձագողության փորձ։ Այս մասին հայտնում է ՀՀ ԿԳՄՍ նախարարություն պահպանության ծառայությունը։
Արգելոց-թանգարանի աշխատակիցների արագ արձագանքման և տեղի ոստիկանական բաժանմունքի օպերատիվ գործողությունների շնորհիվ, գանձագողությունը կանխվել է։ Դեպքի առթիվ նախաքննություն է իրականացվում։
«Հարգելի քաղաքացիներ, կոչ ենք անում ցուցաբերել քաղաքացիական պատասխանատվություն մեր պետության պատմամշակութային արժեքների պահպանման գործում։
Հիշեցնում ենք, որ անթույլատրելի է հնավայրի` բնակատեղիների, դամբարանադաշտերի, ամրոցների ամբողջական պեղումը: Դրանց տարածքի մի մասն անհրաժեշտ է պահպանել հաջորդ սերունդների` առավել կատարելագործված մեթոդներով ուսումնասիրությունների համար»,-նշվում է հաղորդագրության մեջ:
![](https://iravaban.net/wp-content/uploads/2020/05/99436565_2959668580818473_8678585744941383680_n.jpg)
![](https://iravaban.net/wp-content/uploads/2020/05/97979727_2959668327485165_1140161908389707776_n.jpg)