Երևան քաղաքում գրանցված բնակիչ Ռոբերտ Հովսեփյանն անցյալ տարի օգոստոսի 8-ից մինչև 24-ն ընկած ժամանակահատվածում տեխնիկական միջոցների գործադրմամբ բացել է Նաիրա Գևորգյանին պատկանող, Երևան քաղաքում գտնվող բնակարանի խոհանոցի պատուհանը, ապա ապօրինի մուտք գործել այդ բնակարանը: Նա բնակարանից գաղտնի հափշտակել է Նաիրա Գևորգյանին պատկանող զգալի չափի` 230.000 ՀՀ դրամ ընդհանուր արժողության արծաթյա զարդեր, բիժուտերիա և «Ասուս» տեսակի նեթբուք համակարգիչ:
Գործով իրեղեն ապացույց է ճանաչվել «Ասուս» տեսակի նեթբուք համակարգիչը: Այն փաթեթավորված և կնքված վիճակում հանձնվել է դատավորին:
29-ամյա Ռոբերտ Հովսեփյանի նկատմամբ խափանման միջոց է ընտրվել կալանավորումը:
Ծանուցում. Հանցագործության մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
Աղբյուրը` Իրավաբան.net
