Ինչպես արդեն հայտնել էինք, Սահմանադրական բարեփոխումների շրջանակում «Այո»-ի շտաբը հայտարարում է «Այո»-ի քարոզչական բրենդինգի բաց մրցույթ։
Մրցույթի շրջանակում հարկավոր է ստեղծել․
- «Այո»-ի լոգո
- Բաների, սքրոլերի դիզայն
- Ֆլայերների դիզայն
- Facebook-ի համար նախատեսված cover նկար
- Facebook-ի համար նախատեսված profile նկար
- Facebook-ի համար նախատեսված շրջանակ
Առաջարկներ կարող էին ներկայացնել բոլոր հետաքրքրված անհատները և կազմակերպությունները: Առաջարկները տեղադրվելու են ԱՅՈ ֆեյսբուքյան էջում, ինչպես նաև դրանք կարող են հանրայնացվել հեղինակների կողմից:
Առաջարկները հարկավոր է ուղարկել [email protected] էլ. փոստի հասցեին: Մրցույթի արդյունքները կամփոփվեն փետրվարի 25-ին: Հաղթող մասնակցին ընտրելու է ԱՅՈ-ի շտաբը:
- 1-ին տեղ՝ 3 միլիոն դրամ
- 2-րդ տեղ՝ 2 միլիոն դրամ
- 3-րդ տեղ 1 միլիոն դրամ։
Երեկ՝ փետրվարի 25-ին «Այո» շտաբը հայտարարություն տարածեց՝ նշելով․
«Ուրախ ենք հայտնել, որ մենք ունենք Սահմանադրական փոփոխությունների հանրաքվեի «Այո»-ի բրենդինգի մրցույթի հաղթող։ Տասնյակ արժանի տարբերակներից կատարվեց բարդ ընտրություն։ Ներկայացնում ենք առաջին տեղը գրաված լոգոն, որը պատրաստել է Garoon գործակալությունը»։
Ավելի ուշ համացանցում տեղեկություններ տարածվեցին, որ 90-ականներին ևս այս շրիֆտով ու տեսքով «Այո» լոգո է եղել և անթույլատրելի է 3 միլիոն դրամ վճարել գրագողության համար։
Այսօր Տիգրան Ավինյանը ֆեյսբուքյան իր էջում տարածել է նախորդ հանրաքվեի պաստառներից մեկի լուսանկարը և նշել․
«Փնտրվում է բնօրինակի հեղինակը»,-նշել է ՀՀ փոխվարչապետ Տիգրան Ավինյանը։
