Փետրվարի 5-ին քրեական ոստիկանության գլխավոր վարչության թմրամիջոցների անօրինական շրջանառության դեմ պայքարի վարչությունում ստացված տեղեկություններն իրացնելիս, նույն վարչության, ԱԱԾ և ոստիկանության Շենգավիթի բաժնի ծառայողները ապօրինի թմրամիջոց ձեռք բերելու, պահելու և իրացնելու կասկածանքով Նորագավիթի 1-ին փողոցից ոստիկանություն բերման ենթարկեցին Նոր Խարբերդի 36-ամյա մի բնակչի։
Այս մասին տեղեկացնում են ոստիկանությունից:
Նրա անձնական խուզարկությամբ հայտնաբերվել է Նիդեռլանդների Թագավորությունից փոստով ստացված երկու ծրար․ բացիկների մեջ քողարկված էր մուգ շագանակագույն հաշիշանման կոշտ զանգված։
Նշանակվել են փորձաքննություններ։
Կատարվում է նախաքննություն։
