Հայաստանի արտաքին գործերի նախարարությունը հավատարմագրել է ադրբեջանական «Թուրան» լրատվական գործակալության խմբագրին: Այս մասին հայտնում է RUSARMINFO-ն՝ հղում անելով Հայաստանի արտգործնախարարության մամուլի քարտուղար Աննա Նաղդալյանին:
«Լրատվամիջոցի կողմից դիմել են ԱԳՆ՝ հավատարմագրվելու և Հայաստանում աշխատելու թույլտվության համար: Բոլոր ընթացակարգերը անցելուց հետո նրանց խնդրանքը բավարարվել է, խմբագիրը Հայաստան է եկել մի խումբ լրագրողների հետ», – ասել է Աննա Նաղդալյանը:
ՀՀ ԱԳՆ մամուլի խոսնակն ավելացրել է, որ այցը զուտ աշխատանքային բնույթ ունի և բնական է այն նախարարության համար, որը ամեն օր օտարերկրյա լրագրողներից տասնյակ նման հարցումներ է ստանում:
