Իրավաբանությունը խոսքերի մասնագիտություն է:

Կարևորելով իրավաբանի բանավոր խոսքի ուժը` պետք է արդարացիորեն նշել, որ իրավաբանությունը առավելապես իր ձևակերպումը ստանում և արտահայտվում է գրավոր խոսքում:

Ինչպիսի՞ն պետք է լինի իրավաբանական խոսքը, որպեսզի այն հասնի իր հասցեատերերին:

«Լավ իրավաբանական գրելաոճը կարողություն է, որը դրսևորվում է անհրաժեշտ միտքը հնարավորինս հստակ ձևով փոխանցելով»,-Իրավաբան.net-ի լրագրողին հայտնում է ՀԵԻԱ իրավաբան Գոհար Կոստանյանը:

Իրավաբանական փաստաթղթերում անհասկանալի հատված կարդալիս ընթերցողը հաճախ մեղավորություն փնտրում է իր մեջ. իրականում որոշ իրավաբանական փաստաթղթեր դժվար է ընթերցել, որովհետև օրենքներն արդեն իսկ բարդ են, և այն հասկանալն առավել է բարդանում, երբ դրա իրավական վերլուծությունն ու հիմնավորումն իրենցից ևս բարդություն են ներկայացնում:

Ինչպե՞ս ճիշտ կառուցել իրավաբանական գրավոր խոսքը:

«Գոյություն ունի իրավավերլուծական ունիվերսալ մեթոդ`IRAC համակարգը»,-նշում է իրավաբանը:

IRAC բառն անգլերեն հապավում է:

Ի՞նչ է այն իրենից ներկայացնում:

Այն կազմված է այն գրավերլուծական համակարգային միավորի տարրերի անվանումների առաջին տառերից, որով պետք է առաջնորդվել իրավաբանական գրավոր խոսքը կառուցելիս:
Այսպես. գրավոր խոսքը կառուցելիս պետք է հետևել նշված կանոնին:

Issue-Հարցադրում և Խնդիր` նախ պետք է պարզել խնդիրը, ապա կատարել հարցադրում,
Rule-Կանոն` առաջ քաշել կանոնը,

Analysis-Վերլուծություն` կատարել վերլուծություն

Conclusion-Եզրահանգում` կատարել եզրահանգում

Աղբյուրը` Իրավաբան.net