Արմեն Գևորգյանը շարունակում է իրականացնել ՀՀ փոխվարչապետի պաշտոնակատարի պարտականությունները: Այս մասին պարզաբանում է տարածել կառավարության մամուլի բաժինը։
ՀՀ նախագահի 2018թ. ապրիլի 25-ի հրամանագրով ուժը կորցրած է ճանաչվել 2018 թվականի ապրիլի 18-իՆՀ-265-Ա հրամանագրի 2-րդ կետը, որով Վարդան Մակարյանը նշանակել էր Հանրապետության նախագահի աշխատակազմի ղեկավարի ժամանակավոր պաշտոնակատար:
ՀՀ նախագահ Արմեն Սարգսյանի կարգադրությամբ երեկ Էմիլ Տարասյանը նշանակվել է Հանրապետության նախագահի աշխատակազմի ղեկավարի տեղակալ՝ ժամանակավորապես նրա վրա դնելով Հանրապետության նախագահի աշխատակազմի ղեկավարի պարտականությունները, իսկ Վարդան Մակարյանը, ով մինչ այդ նախագահի աշխատակազմի ղեկավարի տեղակալն էր, շարունակում է պաշտոնավարել նույն պաշտոնում:
Ինչպես այսօր արդեն տեղեկացրել էինք, փոխվարչապետի պաշտոնակատար Արմեն Գևորգյանը գործուղվել է Ռուսաստանի Դաշնություն, այս մասին տեղեկանում ենք վարչապետի պաշտոնակատար Կարեն Կարապետյանի ապրիլի 25-ին ստորագրած որոշումից։
