Երկու դատախազների կողմից ավագ քննիչին ծեծելու մասով հարուցված քրեական գործը կարճվել է: Այս մասին Իրավաբան.net-ի հետ զրույցում հայտնեց Հատուկ քննչական ծառայության մամուլի ծառայությունից:
Հիշեցնենք, որ Հատուկ քննչական ծառայությունում քրեական գործը հարուցվել էր օրենսգրքի 118-րդ հոդվածի հատկանիշներով (ծեծելը կամ այլ բռնի գործողություններ կատարելը):
Նշենք, որ միջադեպը տեղի է ունեցել նոյեմբերի 20-ին Կենտրոն և Նորք-Մարաշ վարչական շրջանների քննչական բաժնի ավագ քննիչ Սուրեն Նազարյանի և նույն շրջանների դատախազության դատախազներ՝ եղբայրներ Նարեկ Խաչատրյանի և Հայկ Խաչատրյանի միջև:
ՀՔԾ-ից չհայտնեցին, թե գործն ինչու է կարճվել:
Եվգենյա Համբարձումյան
