Անհայտ անձը կրակ է բացել Մոսկվայի Կարմիր հրապարակի մոտակայքում։ Երկու մարդ վիրավորվել է, իրավապահները որոնում են կասկածյալին: Այս մասին հայտնում է «ՌԻԱ Նովոստին»։
«Մոսկվայի ժամանակով ժամը 22:32-ին ահազանգ է ստացվել Նիկոլսկայա փողոցում միջադեպի վերաբերյալ։ Նախնական տվյալներով, քաղաքացիների միջև բախում է եղել, որի ընթացքում անհայտ անձը չպարզված հրազենից կրակ է բացել և վիրավորել երկու անձանց, ապա փախուստի է դիմել դեպքի վայրից»,- պատմել է հերթապահ սպան։
Դեպքի վայրում աշխատում է քննչական-օպերատիվ խումբը, տուժածներին տեղափոխել են հիվանդանոց։
Նշվում է, որ այդ հասցեում գինետուն կա, և չի բացառվում, որ դեպքը տեղի է ունեցել ալկոհոլի ազդեցության տակ։
