Հայաստանի արտգործնախարար Էդվարդ Նալբանդյանի հրավերով այսօր` նոյեմբերի 20-ին, պաշտոնական այցով Հայաստան կժամանի Ռուսաստանի արտգործնախարար Սերգեյ Լավրովը։
Ռուսաստանի արտաքին գործերի նախարարին կընդունի նախագահ Սերժ Սարգսյանը։
Վաղը նախատեսված են Նալբանդյանի և Լավրովի բանակցությունները, որոնց արդյունքներով նախարարները հանդես կգան համատեղ մամուլի ասուլիսով։
Լավրովը Հայաստան կայցելի Բաքվում Ադրբեջանի նախագահ Իլհամ Ալիևի և արտաքին գործերի նախարար Էլմար Մամեդյարովի հետ հանդիպումներից հետո։
