Ռուսաստանի նախագահ Վլադիմիր Պուտինը որոշում է կայացրել 2018 թվականի մարտին կայանալիք նախագահական ընտրություններին իր մասնակցության վերաբերյալ: Այդ մասին հայտնում է РБК-ն՝ հղում անելով իր աղբյուրների վրա:
«Կրեմլում քննարկվում են հավանական տարբերակները, թե ինչպես և երբ Վլադիմիր Պուտինը կհայտարարի 2018 թվականի մարտին կայանալիք նախագահական ընտրություններին մասնակցելու ցանկության մասին»,- հայտնում է լրատվամիջոցը:
Պարբերականի հաղորդմամբ՝ Պուտինը համաձայնել է մասնակցել ընտրություններին, սակայն այդ մասին պաշտոնապես դեռևս չի հայտարարվել:
Հաղորդվում է, որ կա երկու տարբերակ՝ կա՛մ նախագահը կհայտնի իր որոշման մասին մինչև Դաշնային խորհրդի կողմից ընտրությունների նշանակումը, կա՛մ՝ դրանից հետո:
Նշենք, որ Ռուսաստանի նախագահական ընտրությունները կայանալու են 2018 թվականի մարտի 18-ին:
