Այսօր ՀՀ Կառավարությունը քննարկեց «Պետական կենսաթոշակների մասին» Հայաստանի Հանրապետության օրենքում փոփոխություն կատարելու մասին» ՀՀ օրենքի նախագիծը, որի հեղինակներն են ԱԺ պատգամավորներ Աղվան Վարդանյանը, Վահան Հովհաննեսյանը, Արծվիկ Մինասյանը և Արմեն Բաբայանը:

Նախագծով նախատեսվում է վերականգնել չվճարված կենսաթոշակների վճարման նախկին կարգը, այսինքն` երբ կենսաթոշակառուն կարող է դիմել և ստանալ նախորդ երեք տարիների չվճարված կենսաթոշակը:

Հիշեցնենք, որ ներկայումս կենսաթոշակառուն կարող է ստանալ միայն մեկ տարվա չվճարված կենսաթոշակը:

Կառավարության դիրքորոշման համաձայն` ներկայացված նախագիծը չի բխում սոցիալական պաշտպանության ոլորտում Հայաստա­նի Հանրապետության կառավարության կողմից վարվող քաղա­քա­կանու­թյան սկզբունք­նե­րից, որի համաձայն պետական բյուջեի` սոցիալական ապահովությանն ուղղված մի­ջոց­ները պետք է տրամադրվեն ըստ առաջնահերթությունների՝ ելնելով Հայաստանի Հան­րապետության քա­­ղաքացիների` Հայաստանի Հանրապետությունում գտնվելու հանգամանքից:

Աղբյուրը՝ Իրավաբան.net