Ամուսնությունը, որը լուծվում է քաղաքացիական կացության ակտերի պետական գրանցում իրականացնող մարմնում, համարվում է դադարած ամուսնալուծության պետական գրանցման պահից:
Համաձայն ՀՀ ընտանեկան օրենսգրքի 18-րդ հոդվածի 2-րդ կետի` ամուսնությունը, որը լուծվում է դատական կարգով, համարվում է դադարած դատարանի վճիռն օրինական ուժի մեջ մտնելու պահից:
Դատարանն ամուսնալուծության մասին դատարանի վճիռն օրինական ուժի մեջ մտնելու պահից երեք օրվա ընթացքում պարտավոր է այդ վճռի քաղվածքն ուղարկել ամուսնության պետական գրանցման վայրի քաղաքացիական կացության ակտերի պետական գրանցում իրականացնող մարմին:
Դատական կարգով կատարված ամուսնալուծությունը ենթակա է պետական գրանցման՝ Հայաստանի Հանրապետության օրենսդրությամբ սահմանված կարգով:
Վերը նշված հոդվածի բովանդակությունից բխում է, որ դատական կարգով ամուսնությունը լուծելու դեպքում ամուսնությունը փաստացի դադարում է ոչ թե վճիռն օրինական ուժի մեջ մտնելու, այլ ՔԿԱԳ համապատասխան բաժնում գրանցում կատարելու պահից:
Աղբյուրը` Իրավաբան.net
Ամուսնության փաստացի դադարման պահը
![](/banner/iravaban-net_840x90.png)
![](https://iravaban.net/wp-content/uploads/2012/08/%D4%B1%D5%B4%D5%B8%D6%82%D5%BD%D5%B6%D5%B8%D6%82%D5%A9%D5%B5%D5%B8%D6%82%D5%B6.jpg)